شعبولا: الرئيس الامريكي أوباما لفَّق لي تهمة الحشيش

بمجرد خروجه من مستشفى الهرم بعد تماثله للشفاء وبعد إطلاق سراحه بمبلغ ألف جنيه كفالة على ذمة قضية الحشيش، أدلى المطرب الشعبي شعبان عبد الرحيم »شعبولا بتصريحات نفى خلالها حيازته لأي حشيش أو مخدرات.

وأكد مجددا اعتزاله تدخين السجائر حتى بأوامر الأطباء منذ أول من أمس السبت ومن دون الانتظار ليناير المقبل الذي فات منذ ٦ سنوات عندما تعهد بالإقلاع عن التدخين .
وتلقى »شعبولا « تضامنا من الشاعر الكبير أحمد فؤاد نجم، والذي كتب في زاوية له بإحدى الصحف المصرية المستقلة معلنا تضامنه مع شعبولا، قائلا له: »ولا يهمك يا واد يا شعبان « واصفا التهمة بأنها ساذجة وعبيطة.
على جانب آخر قام الشاعر الخاص لشعبان عبد الرحيم، بالانتهاء من أغنية جديدة لشعبولا حول أزمته الأخيرة، اتفقا عليها في زيارة له والتي يتهم من خلالها الرئيس الأميركي الجديد باراك أوباما أو إسرائيل بتلفيق القضية له ودس قطعة الحشيش »الأزمة « له.
وأكد شعبولا أنه سيقوم بغناء هذه الأغنية الجديدة قبل مطلع ٢٠٠٩ ، وسيقدمها ويهديها لكل جماهيره في مصر والعالم العربي، وتقول كلمات الأغنية هي:

خلاص بقيت كويس.. وبأحمد ربنا

وباشكر كل واحد.. جه لحد عندنا

قالوا خد حتة حشيشة وقالوا كتير حكايات

والنعمة ما خدت حاجة.. وكل دي إشاعات

أنا لما أغمي علي غبت عن الوعي ساعات

وعلى الإنعاش خدوني عملوا لي إسعافات

ناس قالوا كان مبرشم وناس قالوا معاه حشيش

عايزين حبة مصايب يتحطوا على الأفيش

كان عالي علي السكر وأصبت بشوية إعياء

ويادوب باركب عربيتي.. وحصللي شوية إغماء

لا شربت حشيش ولا غيره.. ولا في اليوم د اتعشيت

أنا كنت حاصلي العيد وأدبح أدام البيت

سألوني في مين تشك علشان عايزين دليل

أنا قلت يمكن أوباما أو حد في إسرائيل

ده مقلب بس ساقع من حتة واد عبيط

يا إما مطرب واقع عايز يبقى له سيط

تاريخي نضيف مشرف والكل بيعرفوه

فيه ناس حاقدين عليا عاوزين يلوثوه

أنا حب الناس بقي لي ونفعني في محنتي

والشعب كله دعالي وساندني في أزمتي
خلاص بقيت كويس وبأحمد ربنا

وباشكر كل واحد جه لحد عندنا