~¤ô§ô¤~ تزاحم بالضمير هموم ..~¤ô§ô¤~

من أجل الأناشيد اجتمع فيها جمال الكلمة و اللحن و الصوت

تزاحم بالضمير هموم قلبٍ حايرٍ مكسور
ولا ينفع بقلب المنكسر كثرة جبايرها

تلاطم بالضلوع العوج موجٍ عاتيٍ وبحور
ولا من مركبٍ وشراع يامن ثار ثايرها

أنا مالي بها الدنيا سوى قلب وقلم وشعور
وصديقٍ صادقٍ ياقف ليا صكت معابرها

وليا ضاعوا بليَّاها حياةٍ من نكد وعثور
فلا مطرودها ملحوق من كثرة عثايرها

أنا قلبي دليلي في زمانٍ مدبرٍ مسعور
كبيرٍ مايهمه لو تحاول به صغايرها

ألملم بالقلم أشتات روحي في ورق وسطور
وأنثر كل معنى في ضمير اللي يناظرها

لي إحساسٍ يصور ما يحوم بداخلي ويثور
صدوقٍ وأعذب الأشعار ما تصدق مشاعرها

صديقي صعبٍ أختاره بعالم بالأنام يمور
حسود وجاهل وراعي مصالح مع مكابرها

ياكثر اللي يتضاحك لي وقلبه بالمرض مغمور
على وجهه يبين اللي يخفِّي في سرايرها

صديقي مأمني ياقف معي بالخير وألا شرور
ولا يبيع الذي بيني وبينه فعل غادرها

ولا ينسى ليالينا ولا هو جاحد ومغرور
مواقفنا القديمة دايمٍ بالخير ذاكرها

ياليت الروح بحمول المصايب والعذاب تثور
دخيلك شيلها يا مال وين اللي يثورها

علينا من عنا الدنيا متاهات وشقا ودهور
ولو إن الجبال تشيلها ما أظن تقدرها

إذا بظفرك طرفت العين لا تدور على دكتور
ترى ما تحرق النيران غير اللي يجاورها

لو الدنيا على كيفي أسوقه.. ولو تجي بعسور
ولكنَّا على كيفه نغامر في مخاطرها

أنا وقتي غدر بي مالحظي بالزمان عبور
سنينٍ يقطعه ما أقساه ماترحم مسافرها

ناسٍ كنها تقضي حياته في وسط تنَّور
وناسٍ مادرت عنا ولا ذاقت مرايرها

أنا كلي عذر واللي شكا من هالزمن معذور
وأنا أدري جرح روحي زاد من كثرة تعذرها

تصنعنا السعادة يوم سرنا في فرح وسرور
نحاول نخفي العلة وتفضحنا عبايرها

على الله كل شي يسير وأيام الزمان تدور
متى تضحك لنا الدنيا عقب ما شان ناظرها

للشاعر سعد بن عقيل
للمنشد \ محمد البريك

واتمنى تنال أعجابكم..

حفظ النشيد :

http://download.media.islamway.com/several/256/04_Ter.mp3

رووووووعه ويسلمووووووووو
وتقبل مروووري أخوي
لا عدمناك نجما في سماء منتديات برق ..

نزفــــــــ الجوارحــــــــــ

حيــاك الله ..

قمة في الجمال

ياكثر اللي يتضاحك لي وقلبه بالمرض مغمور
على وجهه يبين اللي يخفِّي في سرايرها

وسلمت يمينك على النقل وصح لسان قايلها

دمت

~*¤ô§ô¤*~ تزاحم بالضمير هموم ..~*¤ô§ô¤*~

~¤ô§ô¤~ تزاحم بالضمير هموم ..~¤ô§ô¤~